(( ياصبح ))

من طرف **الحيران** الأربعاء نوفمبر 21, 2007 10:10 pm

يا صبح لا مريت هاك الشبابيـك

يمكن تحصل لك بعد صبح ثانـي

دايم حراوي طلته مـع حراويـك

يستنشـق الريحـان والقحويانـي

له طلةً تبهج مثـل طلـة ً فيـك

تملا حياتـي بالسعـد والحنانـي

ياصبح وأهنيك تجيلـه مواطيـك

وأنا عنه كـل الأمـور تحدانـي

حظي على الحرمان يمشي تماتيك

ما اذكر تطلبت الزمان وعطانـي

لن قلت عطني قال ماني بمعطيك

وأن قلت تكفى قال ماني ومانـي

أنا الأسير اللي زمانه على هيـك

مدري تبليت الهـوى وابتلانـي

أقبلت للدنيا وأبي ذي وأبي ذيـك

لكن عني صـدّ وجـه الزمانـي

يا صبح سلم لي على اللي يواتيك

ياليت لك يا صبح قلب ولسانـي

واعلمك باللي بقلبـي واوصيـك

وأنته توصل كلمتي فـي ثوانـي

يا صبح لا تجرح بنورك مخاويك

لا تجرحون البعض وأنتم خواني

مره وقله شاعـرك ميـت فيـك

والنـا وعـد بكـره بنفـس المكاني

منقول

من طرف **Admin** الجمعة نوفمبر 23, 2007 8:03 pm

مشكووووووووور اخوي ( الحيران )على
المشاركة الحلوووووة ونتمنى منك
المزيد
تحياتي لكــ

من طرف الجدعاني الخميس نوفمبر 29, 2007 6:59 am

الله الله

كلام ولا اروع

يعطيك العافيه

على النقل الجميل

يسلمو

رد: (( ياصبح ))